منية العرفاوي: يلزمك إشعار؟
نشرت الصحافية منية العرفاوي تدوينة على صفحتها تعلق فيها على تصريح لمتحدث باسم الحماية المدنية وهو يبرر وفاة امرأة مسنة في ولاية المنستير بسبب الامطار الغزيرة
وهذا نص التدوينة”
اول حالة وفاة تم تسجيلها في المنستير بسبب السيول ، كانت لسيدة تعيش لوحدها على ما يبدو ،كي يحكي عليها متاع الحماية المدنية اش يقول :”كانت تعاني من اضطرابات نفسية”!!
باهي انا نحب نسألو، اش دخّل حالتها النفسية في عزل منزلها وعدم وصول النجدة ووفاتها بسبب المياه الطوفانية.. باش انت تحكيلنا لحكاية هاذي.. واصلا اش عرّفك انت بحالتها النفسية!
علما وانو في المنستير اربعه موتي والسيد يحكي مرتاح و يقلك ما جاتناش اشعارات لانجادهم !! الناس تندب في وجوهها بكل الوسائل م البارح وتطلب ما يجاوبوش وهو يقلك ما جاتناش اشعارات!!!
يلزمك يعني اشعار، ماك عامل خلية ازمة و شاشات كبار قدامك وتبّع لحظة بلحظة.. يفترض الخريطة لكل قدامك وتعرف بالضبط الضرر فين من الاشعارات و استغاثات المواطنين لخرين وبالتالي تُحرّك الفرق متاعك آليا، لأقرب نقطة انجاد.. والا انا غالطة .
