عيدهم موش معانا عيدهم في زنزانة
نشرت ايناس ابنة الصحفي السجين مراد الزغيدي تدوينة بمناسبة زيارته لوالدها لتهنئته بالعيد من وراء زجاج سميك ومتسخ
قالت:
في العشرة دقايق هاذم، وإحنا نحكيلو اللي البرّا ملمومين باش يعيّدوا معاه قدّام الحبسبابا جا مجهّز 
جاب papier و بدا ينظّف في الvitre كأنّو عامل grand ménage !يلزم الرؤية تكون HD، ما فما حتى حاجة لازم يفوتها. باش يشوف مليح ولد اختو اللي ما شافوش من عامين، وهو يعمل في سبايدرمان.إن شاء الله تكون السنة هاذي عام الفرحة والكرامة، من تونس إلى فلسطين، وفي كل بلاصة وين يسود الظلم.
دعاء خاص لسجناء الرأي… مهما طال الليل، الفرج قريب إن شاء الله
بسام الطريفي: عيدهم موش معانا عيدهم في زنزانة
رئيس الرابطة التونسية للدفاع عن حقوق الانسان الاستاذ بسام الطريفي نشر ما يلي:
عيدكم مبروك و كل عام و انتم بخير .
مبروك لسلوى غريسة الحرية .كل التضامن مع سعيدة مصباح و عائلتها بعد الحكم القاسي .
نخمم في من هم في السجون منن طالتهم الاحكام و الايقافات و في عائلاتهم و ابنائهم و بناتهم اللي موش معيدين .
نخمم في عياشي و نجيب الشابي و عصام و شيماء و جوهر .. نخمم في مراد الزغيدي و برهان بسيس ..و عبير موسي و رياض بن فضل و الدكتور المرايحي و عياشي زمال …و غيرهم كثيرون ..
نخمم في وائل نوار و جواهر و غسان الهنشيري و سناء و من معهم .نخمم في كل مساجين الراي و المساجين السياسيين و كل المظلومين الي افتكلهم النظام حريتهم .
عيدهم موش معانا عيدهم في زنزانة .
عيدكم مبروك على كل حال و انشاء الله فرج قريب و تنزاح غمة الظلم و القهر و الاستبداد .
سلوى بسيس : هذا العيد الثاني و برهان في سجنه
اما زوجة برهان بسيس الاعلامي نزيل المرناقية هو ايضا، فنشرت تدوينة معبرة ليلة عيد الفطر هذا نصهاغدوة و إلا بعد غدوة ؟؟! أخيرا سمعت انه اليوم هو آخر يوم من شهر رمضان
معناها العيد غدا الجمعة ان شاء الله ….صراحة أقول إني تمنيت يكون العيد نهار السبت حتى أتمكن من زيارة برهان مرتين مرة بالجمعة و هو يوم الزيارة الأسبوعية و المرة الثانية للمعايدة
ميسالش طامعين في بعض الدقائق غدا ان شاء الله عيدنا في المرناڤية
الاستعدادات : قفة و و أربعة حكك و برشا دعاء
نكتب في التدوينة بعد ما نظمت محتويات القفة و زعمة زعمة طبق حلو حطيتو في الصالة على العادة
هذا العيد الثاني و برهان في سجنه
آسفة ما نحبش أنغص عليكم عيدكمسنين دايمة و يحييكم لأمثالو…
نورة عميرة: زوجة الدكتور لطفي المرايحي
الدكتورة نورة عميرة زوجة الدكتور لطفي المرايحي المرشح الرئاسي السابق امين عام الاتحاد الشعبي الجمهوري نشرت تدوينة مقتضبة لكنها تختزل عذابات عشرات الاسر التونسية عائلات مساجين الراي والعمل السياسي والمدني الذي لا ترضى عنه السلطة
