منذ كاس إفريقيا للامم بالمغرب لم يتحدث أمين كمون لأي وسيلة اعلامية في تونس، وحتى في المونديال اختار خوض تجربة التحليل في قناة تلفزية عراقية،
عاد امين كمون الى حلمه الاول ان يكون مدربا قادرا على خدمة وطنه، وهو اليوم على راس مستقبل سليمان، وقد تمكن من الفوز في المبارة الاولى برباعية وعاد بالتعادل عشية امس من بوحجلة
بعد غياب طويل، تكلم امين كمون في بودكست”خوذ وهات” للصحفي فهمي البرهومي، ويمكنكم متابعة الحوار كاملا على الرابط اسفل المقال
كعادته تحدث ون بكل شجاعة بعيدا عن الحسابات الضيقة الشهصية او الجهوية او الفئوية، عن الترجي والافريقي والنادي الصفاقسي، عن صناعة كرة القدم في تونس وعن الواجب الوطني
وقد اخترنا لكم بعض اللحظات من البودكست
عن المنتخب الوطني قال كمون” ما حدث في التربص الاخير للمنتخب، سابقة تاريخية قاعدين نحصدو فلي زرعناه، هناك استخفاف بالاسباب العميقة للازمة ، دمنرنا الكرة التونسية من الهواة للبطولة المحترفة، من جهة اخرى الاختيارات في جل المنتخبات اكثريتهم غابلطة وتكرار الاختيار الخاطئ اوصلنا الى ما نحن عليه الان، علينا ان نختار الاكفا في كل اختصاص، بعيدا عن اي اعتبارات اخرى”
واضاف” نحن نغيش ما عاشته منتخبات افريقية في التسعينات، وهذا عيب في حق تونس، تلغي مباراة ودية في اخر وقت، وتلعب مباراة اوغندا وانت لا تعلم ان نقاطها سيتم احتسابها”
اما عن مواطن الخلل في كرة القدم التونسية فقام امين كمون بتشخيص للواقع، ملاحظا العدد المرتفع لنوادي الرابطة الثانية والثالثة ” الرابطة الثانية فيها 58 فريق والرابطة الثالثة قرابة الخمسين، وين ماشين؟”
واضاف ” اكبر كارثة هي صنف النخبة، او الامال ، رجعولنا اصناف اقل من 19 سنة و18 سنة ، موش معقول ملاعبي في الخمسة و عشرين مازال راكش في صنف الامال”
اما عن التقييم الذي يطالب به الجمهور بعد كل خيبة، فقال امين كمون” في كل مرة نحكيو ع التقييم، لكن من يقيم؟ هل قمت بتشريك الاطراف الفاعلة في المشهد الرياضي؟
وزارة الشباب والرياضة ما تنجمش تاخو مكان الفني، الخيار الفني من مشمولات الجامعة او ان الدولة تعين لجنة فنية تسير كرة القدم في تونس ، فنيا الوزارة تقترح مشروع رياضي ، الناخب الوطني الحالي ليس خيار الجامعة الاول،
هل معقول ناس ما تشاركش في النقاش على كرة القدم؟ هل شاركت وزارة الداخلية؟ الداخلية هي التي تنظم المباريات، هي من يختار التوقيت، هي من تحدد طبيعة الجمهور الحاضر وعدده، العراق خارج من حرب طائفية ويلعبو في الليل وبحضور جماهير الفريقين، علاش احنا لا م الثورة لليوم؟ ّ
اين وزارة التجهيز واين وزارة التربية؟ وزارة الرياضة ما تنجمش وحدها تصلح كرة القدم في تونس”
اما عما يتم تداوله حول الفقر الكروي في تونس، فقال” اكبر كذبة يقولو ما عناش ملاعبية، يلزم تقول انو الهدف مناعك هوكاس العالم 2030 مك تبداش تدجل ع الناس
وصلنا اليوم لمرحلة صعب علينا الترشح لكاس افريقيا، تكلمنا ما سمعنا حد من وقت خسارتنا قدام ناميبيا
واضاف امين كمون” نقيمو في حراس المرمى من خلال انتماءاتنا للنوادي؟ الشامخ او بن حسن او دجمان او مميش ماهمش حراس باهيين ؟هم ضحايا المسؤولين الضعاف والفنيين ضعاف الشخصية،
دعمهم بلاعبين من منتخب اقل من 23 سنة واخدم على روحك واصبر
اما عن معين الشعباني” فقال كمون ” اتمنى التوفيق للشعباني لكن في الاختيارات الرجوع الى الوراء خيار غالط، مشيت في طريق ماعادش ترجع بالتوالي
اللهم عندك زيدان او ميسي قرروا يرجعو، وقتها تلعبهم
اما ملاعبي استغنيت عليه فترة ومن بعد ترجعلو؟
حتى في اختيار التشكيلة برشة ملاحظات وكذلك الخطة الفنية، حاجات ما تفهمهاش
اليوم خليل العياري فنيا من احسن ما عنا يشد الكرة برشة تحكي معاه موش تستغني عليه
خيارات فنية موش في بلاصتها خلاتنا ما نربحوش بوتسوانا رغم عنا نواة منتخب كان نخدمو نجمو نوصلو
عام 96 شكون كان يتوقع الي عملناه في جنوب افريقيا مقارنة بنجوم افريقيا
كان عنا مجموعة قوية، انا ضد ترذيل اللاعبين التونسين
في 2004 راهنا ايضا على المجموعة
جلال القادري كيفاش ربح فرنسا؟ لانو راهن ع المجموعة
وقت المجموعة تضعف نفشلو
اما عن المكتب الجامعي ، فقال كمون” وجهة النظر متاعي كي تولي مسؤول جامعي او مدرب وطني عليك مسؤولية وطنية يلزم تنسى انتمائك الجهوي وفريقك
هل هذا فاهمينو الاعضاء الكل؟ ثمة ناس تخدم وثمة ناس يا موش فاهمين والا هوما الكسوة اكبر منهم وفيهم شكون ينظر لمصلحتو الشخصية وثمة شكون ماشي في بالو في فريقو يعطي في رايو في المدرب والتشكيلة”
الفلوس حاجة اساسية في الحياة لكن ماهيش اولوية و المدرب يلزم يفكر في النجاح الفلوس تجي بطبيعتها كي تنجح ، اخر همك الفيسبوك واش قالت الناس
كنت حاضر في اجتماع الوزارة قبيل اختيار اللموشي، انا تحدثت عن اصلاح الكرة التونسية وحجم الاجور للاداريين مقارنة بما تصرفه على البنية التحتية و المشاريغ الرياضية
مع الاسف وسائل الاعلام ما اهتمت كان باختيار مدرب المنتخب وحتى ممثلي الجامعة ماكان ثمة حد مهتم الا رئيس الجامعة
احنا الكل كنا مع تعيين مدرب اجنبي شريطة يكون معاه ستاف تونسي لكن تختار ناس اكفاء قادرين على تسلم قيادة المنتخب، باستثناء فوزي البنزرتي ودعمه جزئيا علي الكعبي
الي فاجاني انو خيار بعض الاعضاء الجامعيين كان تحت ضغط الفيسبوك والاعلام
هذاكة علاش جابو اللموشي باش يسكتو الناس
في العراق تفرجت في مقابلت تونس وحدي لاني ما رضيتش بلادي تتهان قدام الناس الكل
بعد الهدف الثاني لهولندا بكيت
عن النجم الساحلي قال امين كمون ما نتصورش بطولة باهية من عير نجم ساحلي قوي
كما تخدث عن الاتحاد المنستيري والبنزرتي والمرسى والمتلوي وجرجيس والعمران ….
في كلمة، امين كموت، صوت مختلف عن السائد، فاستمعوا اليه بانتباه
