أحمد السقا: أنا مش مختل عشان أخاطب إدارة ليفربول … مش عايزني ارموني في الزبالة
أحمد السقا: أنا مش مختل عشان أخاطب إدارة ليفربول … مش عايزني ارموني في الزبالة
أبدى النجم أحمد السقا استياءه من سخرية روّاد مواقع التواصل الاجتماعي، إثر انتشار فيديو دعمه للنجم محمد صلاح، مؤكدًا أنّ ردود الأفعال السلبية التي طالته «أزعجته بشدة» وجعلته يشعر بالحزن، قائلآ “أنا مش مختل عشان أخاطب مجلس إدارة نادي ليفربول، أنا مستغرب من الهجوم والإهانة هو أنا عملت إيه؟!
أنا ممكن بكره الصبح أبطل تمثيل وأقطع كارنيه النقابة، لو مش عايزيني إرموني في الزبالة .. أنا صفحاتى موجودة على مواقع التواصل لكن عملت (لوج أوت) من كل الحسابات، الله يسامحهم، واللى شتمنى أنا مسامح، وحقي عند الله .. بس ياريت كل واحد يراجع نفسه”.
واضاف السقا .. أنا يتعمل معايا كده ليه؟! صعبت عليه نفسي 6 ساعات الواحد اتنشر عرضه، يتعمل معايا كده ليه؟! ماشي أنا مش ميجا ستار ولا حاجة، وأقل من أقل أي حد في العالم، الناس طلعت توجهلي إهانة ليه ؟! أقل إهانة عقابها 3 سنين سجن، وقسما بالله ما هقدم بلاغات ولا هاذي حد، وأنا مسامح.
